Borro, Girolamo De motu gravium et levium 1575

author index 174 / 316      search

154
ad frigiditatem excipiendam pari modo propensa.

Octauo. Aristoteles quarto libro Physicorum particula
octuagesimaquinta visus est dixisse: grauitatem & leuitatem,
ex parte repugnantiæ contrariæ, quæ in ipsis inuenitur, repu­
gnantium motuum esse causas agentes: ergo elementorum mo­
tus ab eo principio, quod patitur, naturalis solummodo non di
citur, sed longè etiam magis ab agente.

Nono. Aristoteles libro secundo de cælo particula cente­
tesimaquarta scriptum reliquit: minorem grauitatem à ma­
iori grauitate impelli: at non pelleret nisi vt principium, quod
facit, impelleret: ergo propter id principium, quod facit, ele­
mentorum motus est naturalis.

Decimo. In natura elementorum est principium, quod pa
titur: ergo & principium, quod agit: consequentia probatur
ex particula duodeuigesima tertij libri de anima, vbi in ani­
ma agentis intellectus necessitatem Aristoteles probat: quod
in ea, qui patitur intellectus possibilis propterea nuncupatus,
inueniatur: ergo & in natura elementorum est principium
motus, quod agit si in ea est principium motus, quod patitur,
illud non est materia: Ergo forma; ergo à forma motus na­
turalis dicitur.

Confirmatur cuilibet per se agenti principio, principium,
quod per se patitur è regione opponitur: de sententia Aristo­
telis libro quinto Diuinorum particula decimaseptima, sed in
elementis est, quod patitur principium: ergo in illis princi­
pium id etiam erit, quod agit.

Vndecimo. Aristoteles libro quinto Diuinorum particu­
la quinta de natura verba facit, & hunc non leuem errorem
funditus euertit; ita vt mirandum fuerit, cur semper & vbi
que oculatissimus Simplicius eundem non viderit. Docet enim