Borro, Girolamo De motu gravium et levium 1575

author index 166 / 316      search

Elementa à se ipsis suarum motionum intrinsecum habere
principium confirmatur auctoritate Aristotelis libro quarto
de cælo particula vigesimaquarta, vbi posita similitudine in­
ter ea, quæ ad locum mouentur, & inter ea quæ alterantur,
differentiam nanciscitur, & ait. Quæ ad locum cientur, &
aut grauia sunt, aut leuia, ab his, quæ alterantur, hoc potissi­
mum differunt: quod hæc, quæ locum mutant in se ipsis, mo­
tus sui principium habent, quippe quod naturaliter, ac sua
sponte moueantur: illa vero, quæ qualitatem, & quantitatem
mutant, non in se, sed extrinsecus adueniens habent motus prin
cipium, &c. ergo de sententia Aristotelis in hoc loco elemen­
ta ab intrinseco motore concitantur: ergo à se per se natura­
li motu cientur. Confirmatur. Non potest (ait Auerroes)
libro primo de cælo particula duodeuigesima) numerari cor­
pus naturale, cuius motus non vt naturalis, sed elementa cor­
pora sunt naturalia. Ergo elementorum motus est naturalis,
sed motus naturalis fit à natura, quæ est per se principium mo­
tus intrinsecum. Ergo elementa per se ab intrinseco principio,
quod est natura mouentur: ergo à se per se: eam obrem Auer­
roes addidit, vniuersaliter manifestum est, eorum motum
esse per se, & mox ait Auerroes: necesse est verificare in hoc
loco, quod motus elementorum non est ab extrinseco: quamuis
manifestum sit per se. Cum itaque manifestum sit elementa
non moueri ab extrinseco: & notum sit ita, vt nulli sua do­
mus nota magis, elementa moueri: exploratum etiam erit ab
intrinseco principio eadem naturali motu cieri. Sed intrinsecum
principium est per se principium: ergo mouentur à se per se.

Confirmatur ex Auerrois explanatione libro secundo phy
sicorum commentatione prima: vbi Aristoteles ait. Quæ natu
ra constant, omnia intra semetipsa motus, & status princi-