Borro, Girolamo De motu gravium et levium 1575
author indexprevious page144 / 316next page
 show/hide xml  show page   search

124
non mouerentur: Ergo medium plenum est omnino necessa­
rium; sine quo elementa immota manerent.

Quæ Auerroes contra doctissimum Auenpacem
præceptorem pro Aristotele scripserit.
Cap. XXVII.

QVAMQVAM hæc Aristotelis demonstratio ab
Auenpace viro certè doctissimo, & Auerrois præce­
ptore, habita est veluti captiosa: ipsam tamen Auer­
rois; qui in eruendis Aristotelis verissimis sententiis vsus est
maxima perspicacia, ab omni iniuria vindicat: vt in tertia
parte huius disputationis abundè videbitur: nunc autem rem
attigisse scopulumque demonstrasse, sat est.

Ostendit ergo Auerroes demonstrationem esse efficacissi­
mam: & medium spacium plenum in motu elementorum
adeo esse necessarium, vt sine pleno medio elementa nullo mo­
do cieri possent: idque ex motus definitione edita libro tertio
Physicorum particula sexta.

Ex motus ergo definitione (inquit Auerroes) quemlibet
motum esse continuum, quiuis facilè cognoscit: quippe quod
motus sit actus illius, quod potest esse sub ea ratione, qua po­
test esse: ex eadem motus definitione intelligere etiam possu­
mus; quodlibet mobile habere facultatem ad nouum actum,
nouamque perfectionem; ad quam tendit: Ergo omnis motus
est continuus; & nullus est indiuiduus, & in momento tempo­
ris factus: non potest autem esse continuatio hæc ex sola virtu
te mouentis, vt Auenpaces aliquando sensit; nisi etiam resi­
stentia aliqua fuerit, quam virtus mouentis superet, itaque se­
cundum eam rationem proportionis, qua virtus mouentis re-