Borro, Girolamo De motu gravium et levium 1575

author index 127 / 316      search

Secunda particula secundæ particulæ, secundæ
partis, & est prima propositio, qua quæstio
nis exitus explicatur. Cap. XX.

Ex his, quæ hactenus annotata fuerunt Peripateticum
totius propositæ disquisitionis exitum explicare licet, qui
in compluribus propositionibus consistit, quarum singulæ
suo loco scribentur: omnium prima illa est.

Corpora simplicia grauia, & leuia, non per se, sed per acci
dens, non immediatè, sed mediatè secundum eam facultatem,
quæ essentialis nuncupatur, agenerante mouentur.

Quoniam rectus elementorum motus non aliam ob cau­
sam, quam propter grauitatem, & leuitatem elementorum
inest corporibus, vt infra demonstrabimus: de grauitate au­
tem, & leuitate Aristoteles non solum octauo physicorum,
sed & quarto libro de cælo copiosius, & accuratius disputan­
dum duxit; ideo ex vtrisque locis, sed ex quarto de cælo magis
germanam Aristotelis sententiam eruere conabimur.

Id ergo, quod hoc primo loco diximus, textatus est Aristo
teles octauo Physicorum particula trigesimaprima, & trigesi
masecunda, & quarto cæli, particula vigesimaquarta, &
Auerroes tertio cæli, commentatione vigesimaoctaua, id que
hoc argumento confirmatur.

Ab agente à quo forma præstatur, alia omnia liberalissi
mè præstantur, quæ formam necessariò consequuntur: at que
quod gignit elementum, formam præstat elemento: ergo quod
gignit elementum, elemento ea omnia liberalissimè præstat,
quæ elementi formam necessariò consequuntur: ergo quod ele
mentum generat, præstat motum elemento: illudque per ac-