Barocius, Franciscus Heronis mechanici liber 1572, tr. Francesco Barocio

author index 109 / 155      search

d

Tympana sunt rotulæ in Astrolabij matre contentæ, in quibus
diuersorum climatum tabulæ designantur. in pręsentia uerò tym­
panum accipiendum est pro plana superficie ipsius dioptræ, seu
dioptrici instrumenti, quo Autor utitur. quod autem ait [ad si­
tum plani datorum signorum] sic intelligendum est. quòd scilicet
tympanum ipsum ita situetur, vt in eodem plano tympanum, ocu­
lus, mensurantis, data〈qué〉 signa sint.

e

[Regulæ] hoc est alidadæ, seu voluellæ, in qua duæ pinnulæ
paruis foraminibus præditæ sunt.

f

[superiùs ostensum est] videlicet in propositionibus ijs, quæ
desiderantur.

Propositio Tertia.

ALiter etiam interuallum inter data duo signa
interiacens percipi potest iuxta diagramma,
quod nunc exponitur. Intelligatur per sup­
positionem ipsum quidem a signum, quod
iuxta latitudinem hippici ad sinistram fundæ
partem obseruetur: ipsum verò b ad dexteram. Statuo igi­
tur ad eum, qui inaccessibilis vocatur dioptram parum di­
stantem à superna è contrario iacente orbita, vt ad c signum.
ita vt visus ad rectam datorum signorum inspectionem ne­
quaquam impediatur. cùm autem tympanum ad situm pla­
ni basis fundæ constituero, diduco duas rectas lineas per
regulam ad sinistrum quidem terminum ipsam ca: ad dex­
trum verò ipsam cb. atque harum vnam (vt iam dictum
est) cùm partitus fuero, & fortasse passuum 126 inuenero:
ad alterum regulæ radium me confero. atque immobilibus
cunctis, quæ in dioptra sunt permanentibus, super tympa­
num oculos paululum attollo: & in ipsa bc recta linea, vt
puta ad eius decimamoctauam partem ad sinistras ipsius
inaccessibilis partes iuxta septem passus signum d perci­
pio: similiter autem ad dexteras etiam partes in ipsa ac re­
cta linea, signum e: ipsamque ed connecto. Et quoniam
ipsa ec ipsius ca, & ipsa dc ipsius cb decimaoctaua
pars est: ipsius quoque de interuallum ad ipsius ab in­