Baldi, Bernardino In mechanica Aristotelis problemata exercitationes 1621
author indexprevious page69 / 214next page
 show/hide xml  show page   search


enim horum omnium principium, & eadem, ratio.

Diximus enim, Temonem currente naui, lateraliter
conuersum obuios fluctus excipientem puppim ipsam ob­
liquè in alteram partem transferre. Porrò ea vela, de qui­
bus loquimur, ventorum flatibus obliquè opposita ean­
dem ob caussam circulariter agitantur, quod vt figurâ eui­
dentius fiat,

figure

Esto velum AB, brachio
CE obliquè affixum, ita vt
angulus ACE maior sit an­
gulo BCE, ventus obliquè
velum feriens FG. Itaque quo­
niam ventus in velum obli­
quum incidit, elabitur velum,
& circa centrum E vnà cum
brachio circumuertitur, in
cuius locum succedit velum
HI, ex qua assidua velorum
successione, brachiorum & a­
xis cui adhærent, rotatio fit
perpetua. Sed enim de Te­
mone agentes non est interim cur de caudis auium pisci­
umque taceamus, instar enim remonum sunt à Natura i­
psa opportunis animalium partibus, postremis videlicet,
appositi, quanquam nec solum Temonis vsum præstent,
vt videbimus.

Esto piscis AB, cuius caput A, cauda verò CB. Hac
igitur neutram in partem reflexâ, piscis pinnarum motu
rectâ in anteriorem partem progreditur. Si autem neces­
se ei fuerit ad dextram sinistramqueue conuerti non pote­
rit, nisi cauda ipsa iuuetur. Omnis enim motus progressi­
uus quiete indiget, nec absque stabili fulcimento progredi