Baldi, Bernardino In mechanica Aristotelis problemata exercitationes 1621

author index 45 / 214      search

illi facit centrum grauitatis contra naturam elatum in H
mouebitur quædam libra. Sin autem tam parui momenti
sit, vt eam resistentiam non vincat, stante circa locum in­
fimum centro C, non mouebitur aut saltem parum, ipsa
libra.

Hinc colligimus fieri posse, libras illas, quæ non "
quouis, quantumuis paruo pondere declinant, eas fulci- "
mentum habere sursum.

His addimus, cæteris paribus, resistentiam eò esse
maiorem, quo minus grauitatis centrum distat à fulci­
mento sursum, circa quod ipsa libra aduertitur.

Esto libra AB, cuius gra­
uitatis centrum C, & primò
quidem eius fulcimentum
sursum sit vbi D, itaque si ap­
posito pondere declinauerit
libra ad partes B, punctum
C, dum ascendet describet
portionem circuli CE. fulciatur iterum sursum puncto F,
& iterum declinet ad partes B, & iterum punctum C, dum
ascendet, circuli portionem describet CG. Est autem
minor angulus contactus ACE, angulo ACG, magis er­
go sursum, hoc est, ad naturam sui feretur C, per CG, ex
centro F, quàm per CE, ex centro D, quod fuerat de­
monstrandum.

Hæc autem resistentia ex eodem fulcimento & eo­
dem pondere eo faciliùs superabitur, quo longius bra­
chium libræ fuerit.

Esto enim iterum libra AB, cuius fulcimentum D,
centrum grauitatis C, sit & alia libra, cuius brachia bre­
uiora EF, idem habens centrum C, & eidem puncto su­
spensa D. Dico igitur, eodem pondere apposito, faciliùs