Baldi, Bernardino In mechanica Aristotelis problemata exercitationes 1621

author index 35 / 214      search

QVÆSTIONES
MECHANICÆ.

QVÆSTIO I.

Cur maiores libræ exactiores sint mi­
noribus?

Prioríbus, ceu fundamentis quibusdam iactis, oppor­
tunè ad quæstiones proponendas, eas queue diluendas se
confert Aristoteles. Porro in proposita quæstione vide­
tur prima fronte caussam quæri de re quæ non est: etenim
quis affirmauerit vnquam, lances quibus Apothecarij &
Macellarij vtuntur, magnas eas quidem, illis exactiores
esse quibus Gemmatij, atque Argentarij siliquis, & scru­
pulis minutissima appendunt, quæ tamen perexiguæ sunt,
& si illis comparentur minimæ? Veruntamen, ita prorsus
res habet, vt asserit Aristoteles. Non enim propterea
quòd illæ magnæ sint, hæ verò exiguæ, hæ sunt illis exa­
ctiores; sed quoniam magnæ, rudes sunt, minores verò ex­
quisita diligentia elaboratæ, & à materiæ pertinacia libe­
riores. Cæteris ergo paribus, exactiores esse maiores, ex
Philosophi mente, ita docebimus.

Esto libra maior AB,
cuius fulcimentum C.
Minor verò libra DE,
circa idem fulcimentum
C, vnà cum maiori, ima­
ginatione, conuersa. Ap­
ponatur quoduis pon­
dus maiori libræ in A,
declinetque; exempli gratiâ in F, erit queue minor libra in G,
in eadem enim linea sunt CGF. Vnaque igitur ex eodem