Baldi, Bernardino In mechanica Aristotelis problemata exercitationes 1621

author index 205 / 214      search

potest, pilam à plano resilientem eo peruenire vnde à
principio discesserat; Id enim si daretur, æterna quoque
pilæ ipsius daretur resilitio, & paullatim vi & impetu re­
mittente per parua interualla motus esset, donec res quæ
mouebatur, omnino quiescat.

QVÆSTIO XXXV.

Quærit hoc vltimo Problemate Aristoteles, Cur ea quæ in vorti­
cosis feruntur aquis, ad medium tandem agan­
tur omnia?

Tribus rationibus soluit; quarum prima est: Quicquid
fertur, magnitudinem habet, cuius extrema in duo­
bus sunt circulis, hoc in minori, illud in maiori. Et quo­
niam maior velocior est, magnitudo media, non æquali­
ter fertur, sed à maiori quidem pellitur, à minori vero re­
trahitur, vnde transuersus fit magnitudinis motus, & ipsa
magnitudo ad interiorem propellitur circulum, itaque
eodem pacto, è maiori in minorem propulsa in centrum.
tantum fertur, & ibi quiescit.

Esto vortex AB, cuius cen­
trum C, magnitudo quæ fer­
tur AD, maior circulus AFB,
minor DHEG. Velocitas igi­
tur in A maior est velocitate
quæ in D, magnitudinis ergo
extremum A, velocius rapitur
in A quam eiusdem extremum
inferius D, in D. Velocitas igi­
tur maioris circuli pellit Aver­
sus F. tarditas vero minoris cir­
culi D retrahit ad partes G. conuertitur itaque magnitu­
do inter pellentem & retrahentem circulum, donec ex­