Baldi, Bernardino In mechanica Aristotelis problemata exercitationes 1621

author index 186 / 214      search

tæ; potentiæ vero ad extremitatem duplicis manubrij.
Reducitur enim ad idem genus vectis, in quo pondus in­
ter fulcimentum est & potentiam. quo igitur minor fue­
rit proportio partis vectis quæ à centro grauitatis ad i­
psum fulcimentum, ad totum vectem eo facilius pondus
eleuabitur.

Cur autem difficilime hæ per accliue horizonti pla­
num pellantur, duplici fit de caussa, tum quia grauitatis
centrum ad ipsum portantem seu pellentem vergit, & id­
eo pars quæ a fulcimento ad centrum grauitatis ponderis
fit maior, tum etiam quoniam ipsum graue contra sui na­
turam sursus pellitur ferturque.

Quærere ad hæc quispiam posset, Cur Baiuli ma­
gna ferentes pondera, curui in cedant? Dixerit autem ali­
quis, ponderis grauitate eos deprimentis id fieri. Nos au­
tem duplici item de caussa id fieri putamus, tum ea quam
considerauimus, tum etiam alia, nempe vt grauitatis cen­
trum ipsius ponderis quod sustinent, in perpendiculari
collocent, ne si extra ponatur is qui fert à centro extra
fulcimentum posito, ad eam partem ad quam vergit tra­
hatur, & pondere ipso opprimatur.

Eadem de caussa fit quoque vt ij qui magna ponde­
ra sinistro ferunt humero, in dextram partem inclinentur,
qui vero dextro, contrario modo se habeant, æquatur e­
nim pondus eo pacto, & grauitatis centrum in ipsa per­
pendiculari collocatur.

QVÆSTIO XXX.

Cur assurgentes omnes fœmori tibiam ad acutum angulum consti­
tuamus & pectori thoraciue similiter fœmur, quod nî fiat
haudquaquam surgere poterunt?

Ait Philosophus, forte id fieri, quod æqualitas sit o­
mnino quietis caussa, rectum vero angulum quietis