Baldi, Bernardino In mechanica Aristotelis problemata exercitationes 1621
author indexprevious page182 / 214next page
 show/hide xml  show page   search

QVAESTIO XXIX.

Dubitatur, Cur quando super ligno, aut huiusmodi quopiam, duo
portauerint homines, idem pondus non æqualiter premun­
tur, sed ille magis cui vicinius fuerit
pondus?

Soluit Aristoteles, inquiens, lignum esse vectem, pon­
dus vero fulcimentum; res quæ mouetur is qui ponde­
ri est proximior: mouens vero qui remotior. Itaque quo
magis remotus est à pondere, hoc est, à fulcimento is qui
mouet, eo violentius is premitur qui altera vectis parte
eaque breuiori, mouetur.

figure

Esto lignum AB, pondus
C appensum in E, vicinius ex­
tremo B quam ipsi A, sit autem
portantium alter quidem AF,
alter vero BG, Imaginemur
itaque locum E à pondere ita
figi & deprimi, vt sursum qui­
dem ferri nequaquam possit,
circa vero punctum E, ceu
circa centrum fulcimentum­
ne ipsum vectem conuerti. Lignum ergo AB vectis: mo­
uens potentia A, pars vectis à potentia ad fulcimentum
AE pars eiusdem quæ à fulcimento ad rem motam EB, &
quoniam quanto longior est pars vectis EA ipsa EB, eo fa­
cilius potentia quæ est in A, operatur in id quod est in B, si
res ad proportiones redigatur, erit potentia in A, ad id
quod mouetur seu premitur in B, vt pars vectis EB ad par­
tem EA, sed maior est AE ipsa EB, ergo maiorem partem
sustinet ponderis, & plus premitur is qui in E, & qui mo­
uet in A. Hæc fere Philosophi est sententia: Picolomi­
neus vero Paraphrastes apposite duos vectes in vnico li-