Baldi, Bernardino In mechanica Aristotelis problemata exercitationes 1621

author index 163 / 214      search

item A, versus B, & B versus A, ita­
que punctum A tum proprio tum
alieno, hoc est lineæ illud deferen­
tis motu deorsum trudet, hoc est,
versus CD. Motus ergo velocior
erit motu puncti B, quod lationi­
bus fertur ferè contrarijs, hoc est,
ex B versus A sursum, cum linea
autem BA versus C deorsum. Ve­
locius tamen non mouetur, quip­
pe quod æquali tempore æquale
spatium vtrum que punctum conficiat. Stante igitur caus­
sa sequi debuisset effectus; non sequitur autem, Aristote­
lis igitur caussa non est caussa. Rhombo quoque inuerso
idem clarius ostendemus hoc pacto: Sit Rhombus ABCD,

cuius diametri AC, BD secan­
tes sese in E. Mota igitur linea
AB versus CD, nempe deorsum
& A quoque deorsum versus B,
contra vero B quidem sur­
sum versus A, deorsum vero
versus C, erit B tardior A, sed
contrarium fit, quippe quod
longior sit BD, per quam mouetur B ipsa AC, per quam
mouetur A.

His igitur non satisfacientibus veriorem si per im­
becillitatem nostram licuerit, huius effectus caussam in­
uestigabimus. Rationibus igitur & veritate contra aucto­
ritatem & probabilitatem est nobis pugnandum: quod &
intrepide faciemus.

Dicimus igitur, in quouis parallelogrammo sit illud
quadratum aut altera parte longius, vel idem Rhombus
Rhomboisue semper mixtos motus proportione seruata