| Agricola, Georgius De re metallica 1556 |
|
278
Septima lauandi ratione lotores utuntur, cùm mons eo loco, quo in se con
tinet lapillos nigros, uel auri aliorumúe metallorum ramenta, riuo caret. Tunc
enim lotores, in decliui, quæ ei subijcitur, parte fossas sæpius plures quàm
quinquaginta agunt, uel totidem lacus faciunt, longos pedes sex, latos tres,
altos dodrantem: quorum alius ab alio non ita longo interuallo distet: itaque
his temporibus, quibus torrens ex magnis & diuturnis imbribus ortus fer
tur per montem, lotorum alij in sylua materiam metallicam ligonibus latis
fodiunt & in torrentem trahunt: alij torrentem in fossas uellacus deriuant:
alij radices arborum, fruticum, herbarum ex fossis uel lacubus, ligneis furcis
septicornibus eijciunt. Post quam uerò torrens delapsus est, lapillos nigros,
uel metallorum ramenta, quæ in fossis aut lacubus impura resederunt, batil
lo exemptos faciunt puros.
Lacus A. Torrens B. Furca septicornis C. Batillum D.
search