Agricola, Georgius De re metallica 1556
author indexprevious page224 / 586next page
 show/hide xml  show page   search

214
batillis tunditur. Quidam si talis arenula eis defuerit, pyram puluere, à car­
bonibus resoluto, non aliter ac carbonarij tegunt. At Goselariæ compositi­
oni, in metæ figuram formatæ, atramentum sutorium rubrum, quo destillat
pyrites ustus, aquis madefactum illinunt. Alibi autem semel uena uritur:
alibi bis, alibi ter, prout ipsius duricies id postulat. Goselariæ quidem cùm
pyrites tertiò uritur, is, qui in summo pyræ est collocatus, exudat, ut aliàs scri­
psi, quiddam subuiride, aridum, asperum, tenue: quod ignis non aliter ac a­
miantum non facile comburit. Quinetiam persæpe aqua immittitur in ue­
nam ustam & adhuc calentem, hac de causa, ut magis mollescat & friabilis
fiat. Nam cùm uis ignium eius humorem exiccauit, aqua calentem facilius
dissoluit: cuius rei maximum indicium sunt saxa calcaria usta.

Areæ A. Ligna B. Vena C. Metæ
figura D. Canalis E.

figure

Sed terra item effossa fiant areæ multò ampliores, & ad normam quadra
tæ: à quarum lateribus atque tergo muri ducantur, ut ignis ardorem magis
contineant: à fronte uerò similiter patere debent. In his separatim uena
plumbi candidi uratur hoc modo. Primò ligna circiter duodecim pedes
longa in area locentur, quater uicissim, recta & transuersa. Deinde maiora